اخر الاخبار - أول صلاة جمعة في "الفتاح العليم"... ومغردون: "انزل بكتيبتين يملوا المسجد"

0 تعليق 0 ارسل لصديق نسخة للطباعة تبليغ
تداول مستخدمو الإنترنت صورة لأول صلاة جمعة في مسجد "الفتاح العليم" بالعاصمة الإدارية المصرية الجديدة، ونشر البعض تعليقات ساخرة من حشد مصلين من القوات المسلحة بالملابس الموحدة، لملء المسجد الذي يقع وسط الصحراء في مكان غير مأهول، بالإضافة إلى انتقادهم إنفاق مبالغ كبيرة لبنائه في بلد يواجه مشاكل اقتصادية كبيرة.

كتب جفت محبرتي: "ربنا يكفيكم شر أبو 50 % لما يفكر، عشان يظهر الجامع مليان، وأنه برغم أنه في الصحراء اتملى ناس، شحنوا طلبة شرطة وعساكر ووزعوا عليهم ترنجات، طيب كنتوا غيرتوا أشكال الترنجات يا فشلة، متآمر وأهبل".

وعلق قلم حر: "أنا عمري ما شفت نظام بيحكم ف العالم بطريقة كيد النسا، يعني عشان الناس انتقدته في إنه بيفتح مسجد في الصحراء، ماحدش هايصلي فيه، تكلفة الإضاءة بتاعته بس ٢٠مليون جنيه في الشهر، فعلشان يدافع عن خطأه، يرتكب فضيحة أكبر ويشحن عساكر ومستأجرين عشان يملوا المسجد، ودي كمان مش تكلفة إضافية يا مغفلين؟".

وكتب الجوكر: "المسجد كبير ومفيش حد لأن المسجد في الصحراء، انزل يابني بكتيبتين يملو المسجد #الفتاح_العليم".

بينما وجهت نيفين شلبي سؤالاً: "سؤال يا جماعة: هو الصلاة في جامع الفتاح العليم بنفس ثواب الجوامع التانية، ولا هناخد حسنة واحدة والباقي علشان مصر!!".

وكتب ذا ويردو: "مطلوب مصلين لمسجد الفتاح العليم - تنبيه: الحضور فورمال".

وبسخرية علق مستر نور: "#جمعه_مباركه طالما الحكاية كده، مفروض نجيب جمهور الفريق التاني، يعني هو إنت عامل زي بيراميدز، بتشتري نادي بلعيبته بجمهوره بحكامه".

ومقترحاً كتب طارق: "#العاصمه_الاداريه مفروض كل جمعة ننظم رحلات للصلاة، في جامع عبد الفتاح عبد العليم السيسي، ونوحّد الترينجات وتبقى الرحلة بسندوتش وحاجة ساقعة وإزازة مِسْك، وبرضه ندّي الفرصة لصاحبنا يجرب يخطب الجمعة، ويفيض علينا من نبع علمه الغزير".

فيما شارك محمد جمال بالدعاية للمسجد: "مش بس هتاخد ٢٧ ضعف صلاتك في البيت.. لا ده انت كمان هتاخد ترنجات هدية، لكل فرض هاتصليه عندنا، مسجد الفتاح العليم مش مجرد مسجد.. مسجد الفتاح العليم، هيغيرلك فكرتك عن الجوامع، متنساش تختار بين اللونين المميزين لترينجاتنا، الفسفوري المثير أو الأزرق السماوي الخفيف".

اقــرأ أيضاً

الخبر | اخر الاخبار - أول صلاة جمعة في "الفتاح العليم"... ومغردون: "انزل بكتيبتين يملوا المسجد" - يمكنك مشاهدة مصدر الخبر الاصلي من الرابط التالي وهو : العربي الجديد ويخلي موقع الوحدة عن مسؤوليته الكاملة عن محتوي اي خبر وانما تقع المسؤولية على الناشر الاصلي للخبر.

0 تعليق