الوحدة الاخباري : وزير التعليم عن سقوط السيستم: بلاش نضخم الأمور.. مفيش صبر من الناس

0 تعليق 0 ارسل لصديق نسخة للطباعة تبليغ

تحدث الدكتور طارق شوقي، وزير التربية والتعليم، والتعليم الفني، عن أول يوم امتحانات للصف الأول والثاني الثانوي اليوم، وعن سبب عدم قدرة 10% ممن ذهبوا إلى اللجان الامتحانية من أداء الامتحانات، حيث قال: «لو هتكلم ناس فنيين مفيش مشكلة خالص حصلت النهاردة، بس إحنا طريقة تعاملنا مع الأمور بتبقى صعبة شوية ومفيش صبر».

وقال «شوقي»، خلال تصريحات تليفزيونية، إن اليوم يُعد اول امتحان تُجرية الوزارة في المدارس منذ 13 شهرًا، « إحنا كمان في جائحة فيروس كورونا المستجد، وبالتالي منظومة بالحجم الكبير ده لازم نشتغل عليها الأول عشان نعرف العيوب فين ونصلحه، وبنعمل ده في امتحان تيرم في سنوات النقل، مفيهوش غير نجاح ورسوب، لا فيه نمر ولا مجموع».

وتابع: «مش عاوزين نضخم الأمور، اللي امتحنوا اليوم 550 ألف طالب، أي أكثر من نصف مليون شخص أدوا الامتحان، من بين 620 ألف طالب حضروا في اللجان لأداء الامتحان، بينما 10% فقط من الطلاب واجهتهم مشاكل في السيستم، وبالمناسبة 10% ده أمر لا يرضينا، بس إحنا بكرة الـ 10% دول هيبقوا صفر».

وواصل: «الـ 70 ألف طالب اللي جم اللجان ومعرفوش يحلوا، بنقولهم وقوع السيستم دي ليست قضيتكم، أي حد حدث عنده مشكلة فنية اعتبروه ناجح، الامتحان كله نجاح وسقوط وقائم على فكرة تدريب الطلاب على شكل الأسئلة، أمام بالنسبة للسيستم دي حاجة ننسقها مع وزارة الاتصالات، بنعرف من غرفة العمليات فين الخنقة بتاعة الإنترنت».

---------------------------------------------------
مصدر الخبر الاصلي موقع : الوطن - حوادث

أخبار ذات صلة

0 تعليق