اخبار العالم الان قصيدة راجل عجوز

0 تعليق 10 ارسل لصديق نسخة للطباعة تبليغ

 خدتني القعدة في القهوة ساعتها بشرب فنجان قهوة

استطعمتها لقيتها مرة شاورت بإيدي للنصبة

قلتلهم القهوة سادة مرَّة

صاحبها نادى بصوت عالي: قهوة زيادة للزبون اللي برَّة

فتحت علبة السجاير وخدت منها سيجارة

ساعتها كنت مصدع أصلي كنت قالع الندارة

قعدت أشد وأشد وفي نصها خلاص زهقت

رمتها على الأرض وعليها بدوس

ببص جنبي لقيت راجل عجوز

بيشرب شيشة عليها حجر مرصوص

لقيته بتفر من عنيه دمعة

ودمعته اللي نازلة من عينيه ليها وسط السطور ألف كلمة وكلمة

عمال يبص في الشارع متلفت صحباها نظرة بضحكة ناعمة

صعب عليَّا وسألته ياحاج مالك

مال الحزن من الدنيا شالك

قالي يابني الناس ضعيفة النفوس

وشوية هتموت على الفلوس

وعشان مصلحتها لو طالت تدوس عليك هتدوس

قلي زمان الواحد يجيله الشغل وهو مجعوص

دلوقتي شبابنا كله عاطل وعيان بفقر ملحوظ

قلي بص على الشارع واتفرج على الوشوش

هتلاقي إنك بين الناس مغشوش

هتلاقي وشوش زعلانة ووشوش من الفقر زي الورود الدبلانة

ووشوش راجعة من شغلها تعبانة

قلي كمان مفيش أخلاق ولا سلوك

وقلوبهم بقت مليانة بالشكوك

منهم اللي يخون صاحبه أو أخوه

ومنهم اللي يعاق في أمه أو أبوه

هتلاقي واحد من صحابك الندالة في طبعه

ومبقتش خلاص الصحوبية في دمه

بقى كل واحد منهم يحب مصلحته

ولو وصلت للحاجة اللي إنت عايزها

هتلاقي مليون واحد من الناس واقفة تحسدها

تحط الهدف قدامك تلاقي اليأس هادد أحلامك

ويجيلك الفقر من تاني ويقولك يا حبيبي عقبالك

أصل الفقري فقري حتى لو حطو على راسه فانوس

وتيجي تحب في الواحدة

تلاقيها لغيرها جاحدة

تقعد تبص لديه وديه وتقولك لابسه إيه وحطة إيه

نفسي أشتري ده وألبس ده

وتصرف عليها دم قلبك

مع إن هي مش شايلة همك

وفي الآخر تقولك أنا جالي عريس

ولو مش هتكلم بابا خلاص أنا بيس

ولما تشتغل تلاقي كمان ظلم

أصلي اللي جي بعد منك واحد مهم

ياعيني جي بالوسطة

مهو سيستم كله أليسطة

عايش تحلم وتحلم وتحلم تلاقي كابوس لازم بقي تندم

دا مش شعب كبيير بيعيش

دا بقي بيقضيه حشيش

شارع كله قصص وآلام

بينهوها بذمام ولجام

شخصيات أفلام كرتون

تيجي تعدي يقولك لا معايا البون

أباحة تلاقي زبالة تلاقي

يضحك عليك ويقولك هات الباقي

ثورة ثورة كله يقوم

من نفسها للناس تلوم

أصل ثورتنا الحقيقة الـ 18 يوم

الخبر | اخبار العالم الان قصيدة راجل عجوز - يمكنك مشاهدة مصدر الخبر الاصلي من الرابط التالي وهو : فيتو ويخلي موقع الوحدة عن مسؤوليته الكاملة عن محتوي اي خبر وانما تقع المسؤولية على الناشر الاصلي للخبر.

0 تعليق