الوحدة الاخباري : السيسي لـ"الوزراء": عاوز عدادات "الكهرباء والمية والغاز" مسبوقة الدفع

الأخبار المتعلقة

قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير 2"، بمحافظة الإسكندرية.

وسأل السيسي المحافظ: "قولي دخلك كام كل شهر؟"، ورد المحافظ: "دخلي الشهري المتوسط 100 مليون جنيه، من الموارد الذاتية بالإضافة للموازنة العامة للدولة 550 مليون، بالإضافة لإيرادات الشواطئ"، فرد السيسي: "أنا لو مكان حضرتك هحسب بالجنيه.. سواء اللي بآخده أو اللي بصرفه".

ووجه السيسي، أوامر لوزير الموارد المائية والبترول والكهرباء بتحويل جميع العدادات لمسبوقة الدفع: "الـ3 عدادات مسبوقة الدفع.. المواطن يحط الكارت يآخد مية وكهرباء وغاز.. أنا عارف أنه متحقق في الكهرباء.. عاوزه في المية والغاز.. وده أرخص من اللي بتعملوه".

وأضاف السيسي: "هنبعت الناس تعدي على البيوت، تشوف القراية والدفع، وغيرها.. وزير المالية الكام ده لازم ينطبق على كل حاجة علشان تآخد التزاماتك المالية مظبوط".

وقال السيسي: "حد ممكن يقولي بلاش تتكلم الحاجات دي خلي الناس تحبك.. بس ربنا مطلع عليا ده لمصلحة ولا مش مصلحة".

ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.

ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.

ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.

أخبار قد تعجبك